Sámediggi almmuha dákko bokte valáštallanstipeandda sámi nuoraide. Ulbmil valáštallanstipeanddain lea movttidahttit nuorra valáštalliid áŋgiruššat valáštallat.
Guokte stipeandda juolluduvvojit, goabbáge 50 000,- ru. Stipeanda galgá mannat ovttaskas olbmuide. Soai geat oažžuba stipeandda galgaba leat gaskal 16 ja 25 jagi dan jagi go stipeanda juolluduvvo, ja ferteba maid leat mielláhtut soames valáštallansearvvis/- organisašuvnnas.
Ohcanáigemearri geassemánu 25.b.2010.
Publisert avSigmund Bårdvik
Publisert24.09.2012 13:27
Doarjjaortnega, juolludaneavttut ja máksineavttut
Doarjjaortnega mihttomearri:
• Movttidahttit nuorra valáštalliid áŋgiruššat valáštallat
Doarjjaortnega olahusjoavku:
• Valáštallit gaskal 16 ja 25 jagi dan jagi go stipeanda juolluduvvo
Juolludaneavttut ja máksineavttut:
• Ohcanáigemearri: Geassemánu 25.b.2010. Ohcamat mat leat sáddejuvvon dien beaivvi maŋŋil, eai meannuduvvo
• Valáštalli galgá leat mielláhttun soames valáštallanjoavkkus/ -organisašuvnnas
• Okta nieida ja okta bárdni oažžuba goabbáge stipeandda, jus goappašat sohkabealit leaba ohcan stipeandda
• Ohcamis galgá boahtit ovdan vuođustus ohcamii ja movt vejolaš stipeanda lea jurddašuvvon geavahuvvot
• Ohcamis fertejit maid leat dieđut nugo namma, boastačujuhus, vearrosuohkan, e- boastačujuhus, riegádannummár, báŋkokontonummár, valáštallansearvvi/-organisašuvnna namma
• Sámediggeráđđi hálddaša ortnega. Stipeanda máksojuvvo go Sámediggeráđi mearrádus sáddejuvvo olggos.
Meroštallannjuolggadusat:
Guokte stipeandda juolluduvvojit, goabbáge 50 000 ru.
Gáldu: Sámediggi